[符合國情]台灣小店無良僱主請打工學生唔出糧
係台灣學生打工好多都係時薪制，做幾多就出幾多糧，
台中某知名小食店請學生打工唔出糧，多次上門搵老闆始終唔肯比錢，
表示「只係比對方黎做學徒」仲話「要告咪去告囉」，囂張行徑亦唔係第一次。
果一名學生嘅媽媽係Facebook Group「爆料公社」表示，
個仔係台中沙鹿區英才路上嘅「x記小吃」打工，
做完野之後想同老闆討論清楚需要嘅人工，
對方就回應要好好思考同叫他等通知，
事後老闆就唔肯比人工，仲話要告咪去告囉；
於是個呀媽就報警尋求協助，警方就同佢講，果間舖已經唔係第一次呃人做白工，
學生嘅媽媽就發文聲明，佢係一位單親媽媽，
需要賺錢養家無多餘時間同他鬥，所以決定公開無良僱工囂張嘅行徑。
據《東森新聞》報導，比人走糧嘅學生透露，
之前問過店家請學生打工唔出糧即係點，
無諗到店家回應「無拎到錢人就會走架啦」，
因為呢單野，果名被指控嘅雇主表示，佢所請嘅員工都有出糧，
佢認為打工嘅學生只可以做學徒仲話「佢連菜刀都唔識拎！」
所以認為自己做得好岩好合理；
果間總店回應認為加盟店做法唔對路，如果屬實「會終止同加盟店嘅合約」。
據台中市勞工局副局長施肇芳則向《蘋果日報》表示，
4月24日已派人員去果間舖做稽查，要求店家提供薪資帳冊，
如果店家拒絕提供嘅話可開罰3到15萬元台幣；
另外，副局長亦透露，店家向稽查人員話同果一個學生雙方「非雇傭關係」，
勞工局對此回應，呢一部分唔係可以店家「自己話唔係就唔係」
而係會依照資料黎做判定。
頁:
[1]