|
台灣廉價勞工嘅辛酸
大部分台灣人傾起工作情況，就好似鬥下邊個比較慘咁，
一慘還有一慘慘。
加班？加班費？
台灣老闆/公司可能會規定有申請加班費，但你會發現無同事敢申請。
因為當你一申請，上司就會同你講：
「咦？！咩你尋日有加班咩？點解會加班呀？要諗辦法係你工時入面做，諗下點樣先可以唔洗加班。」
其實個個都加班唔通個個都想加班咩，就係工作量大，做唔晒先會加班。
最後無人提出申請加班費，
係台灣無論做寫字樓又好服務業又好都存在住呢個問題，
台灣老闆永遠想你做你工作額外嘅野，用你自己嘅私人時間去幫公司賣命。
某啲行業，底薪低得可憐，最後拎嘅人工完全係要靠「加班費」去堆砌出黎，
特別就係做工廠同司機。
通常你睇104呀1111呢類型招聘網，你都會見到某啲工廠請作業員，
寫住月入NT
40,000－60,000，諗住台灣都唔係咁低人工姐，
但其實係呢個「月入」入面係包含「加班費」嘅，
果完全唔加班，月薪唔到 25,000，扣埋勞健保就剩返更少。
加個150個鐘，先可以領到將近 50,000。
調返轉對公司黎講，兩個人嘅工作，請兩個人，月薪25,000，會比較難請人。
但係兩個人嘅工作如果淨係請一個人，比你加班加到四萬幾，
就會比較容易請到人，而且又比較慳錢，
減少以後訂單少嘅時候將多餘員工Fire嘅麻煩。
請假？得閒死唔得閒病。
同加班相反嘅，就係「請假」。
台灣勞工唔會捨得請假，因為除左扣底薪之外，
連全勤、績效甚至年終都會扣。
所以係屋企訓三日就會好嘅小病，好多人寧願快快趣買個成藥黎解決，
或者去診所拎個西藥。
呢啲藥唔見得可以病好，因為醫病本來就係要靠足夠嘅休息，
但是成藥至少可以盡快減輕啲症狀，令到可以繼續返工。
呢類型小病愈積愈多，就會變成大病。
如果係被機器壓到、比有毒液體噴到，係呢邊都係有工傷嘅，
補償同賠償都會比較多錢。
但「過勞」呢邊就唔太認為係工傷。
https://udn.com/news/story/7325/2639685
如果我地可以學識「非淡泊無以明志，非寧靜無以致遠」
或者都可以係台灣領一個低薪好好生活落去，
但如果你係想係台灣搵一份高薪厚職，
有高薪又有私人時間同生活嘅，
你可能真係要搵返個外國人/香港人老闆，
先可以避開台灣呢啲多年黎累積嘅不公平潛規則。
