點解台灣讀書可以同香港差咁遠嘅！？ 今次小編想分享既係，我大女喺香港同台灣讀書嘅分別！
我個女小學二年級確定左輕度讀寫障礙，由小學到中學我用咗好多心機時間，甚至乎放棄左自己嘅工作同佢一齊去面對！但係每次考試都係滿江紅，講真當時我心情真係好難過又無助！
依間學校令我嬲到爆炸！！！
到佢中三同中四既時候每次家長日都會建議我個女轉讀職業學校，而當時我已經有想過等佢讀完中六送佢到台灣升大學（依個係我大女自己要求）
所以我亦問清楚如果轉去職業學校台灣承認這個學歷嗎？學校回覆我唔承認，咁我當然唔會轉校啦！
點知學校再搵我，同我講「與其你都係俾個女完成中六就會送佢出去讀書，不如你轉去xx學校，佢哋係專比讀寫障礙學生讀既！」
其實當時我真係嬲到爆炸
！！！我大女讀依間學校係一條龍，點解佢中一嘅時候冇人同我講過有依間學校介紹俾我呢？佢仲有兩年就畢業點解依家要想盡辦法要佢離開呢？
其實我亦因為呢件事而對香港的教育非常失望 ！亦都係導至我加快離開香港⋯⋯此處不留人自有留人處
台灣入學要清楚
因為我沒有做好功課導致到我大女入學時間有誤差，正常佢係讀高中二年班，但係因為我哋係11月到台灣高中學校要到12月考入學試才能再入讀⋯⋯ 
呢個問題對我大女來講其實都好緊要，因為香港中五啱啱開始嘅時候佢就要離開，來台灣開始新生活點知嚟到台灣要下學期先至可以再讀，真係怕追唔上！
商量之後大女自修
等到第二年由中四開始讀再來，亦即係台灣嘅高中一年班。呢段時間大女唯有補習去適應台灣嘅學習態度，最後大女考上高一，老實講佢派左去一間名氣唔好嘅學校，其實佢考得唔差（起碼全部合格），但係因為台灣係會計佢之前三年嘅成績同服務時數去加分，佢喺香港嘅成績之前都有講過啦⋯⋯只可以提供到服務時數所以派左學校都唔會好。雖然學校名氣唔好但係我大女嘅轉變我估識佢嘅人都無人估到，佢由啱啱開學考第11名，學期中考第8名，學期尾考第5名，當中攞咗兩次獎學金。 
呀女學校既校服幾靚
我仲記得當初同親戚朋友講我哋移民台灣，佢哋都同我講台灣搵食好艱難唔係想像咁好架！諗清楚未架？
到咗今日我可以話俾大家聽我呢個決定完全係正確！
雖然而家我哋生意都仲係做得好辛苦，但係見到個女咁大嘅轉變乜嘢都值得啦！ 
