個杯比佢屙完仲點用?
同埋果度附近應該有廁所,
我唔相信一個正常小朋友幾步都忍唔到,
都唔知點解啲大陸人不管大人小朋友都可周圍屙,
又唔係動物!
吉野家童子 茶杯小便方便又快捷
「邊食邊屙」，唔止係劏房戶悲歌，荒謬場景竟然發生喺人來人往食肆之內。
社交網站近日流傳一段吉野家店內嘅「中港大戰」，有港男發現婦人縱容兒子喺店內用茶杯小解，雙方爆發罵戰，呢名操濃厚鄉音嘅婦人惱羞成怒發難「咁關你咩事箒」，隨即低頭邊按手機邊話報警，其間一名貌似小學生嘅男童跑向婦人，疑似婦人丈夫亦指排泄物「都丟咗啦」，但港男斥責：「啲店員唔知㗎，佢冇同人講嗰啲係尿嚟㗎。」婦人反駁：「關你咩事箒？影響到你呀？」港男話︰「有冇衞生㗎你？唔係你食嘢，係人哋要做嘢，好核突！」婦人丈夫於是帶咗妻兒搬去遠處另一張枱。
港男同婦人對罵期間，旁邊食客冇乜理，有人繼續打邊爐，職員都冇調停。有網民感嘆，「全場人得一個人出聲，香港人那是你應得嘅。」
根據本港法例第228章《簡易程序治罪條例》下「妨擾罪及雜項罪行」，任何人無合法權限或解釋而在公眾或無掩蔽的地方或其他不適當的地方大小便即屬違法；惟片段中未看到婦人係咪真係畀兒子喺杯內小便。
識睇睇留言
Kelvin San：食肆內大小二便，影響到其他食客，真係惡心。
Joo Won Moon：最恐怖係冇個出聲。
Charlotte Tsui：明明吉野家入面有廁所，行多兩步就到，唔明點解要用杯。冇文化真可怕！
資料來源：《蘋果》網頁
|
