銅鑼灣文記港式餐廳
小編星期日12點多去到，附近有停車場泊車尚算方便！
餐廳大約有4、5個人等位，唔算等得耐15mins左右有位。係台灣我最欣賞他們都是食完就走，唔會座係度吹水！當然cafe除外
今日3個人叫左6個點心、2個甜品、3杯飲品、2個麵。
係台灣最難係搵一杯好飲既港式奶茶，小編誠意推介！仲有冷熱比你選，外面通常只有凍！
有鋪奶茶引嘅唔係講笑一定要黎試吓！
出野食都快，第一個出黎就係星州炒米，老實講失望！其實賣相好，足料，但星味唔夠！
星米應該係重口味既食物，但睇相都見顏色唔夠，得小小咖喱味，叉燒絲太小，刺激唔到我嘅味蕾！
蝦餃大隻好味，燒賣ok暫時未搵到係香港食既味道，唔知關唔關豬肉質地問題，始終覺得有唔同！
鳳爪完全係香港味道good！排骨超認真冇嘢薦底！讚！
可能台灣真係冇黃色嘅雲吞皮，所以都係覺得唔一樣，但整體來講好食嘅，而腸粉個皮就厚左！
春卷冇得彈！現炸外脆內軟，正！
芋頭西米露，芋頭已經打蓉好香，如果有芋頭粒食下應該仲正！楊枝甘露so far so good~~
地址：台中市西屯區河南路二段510號
電話：04-24521599.
營業時間：11:00~14:30 17:00~21:30
|
